#يا_ساكن_الروح
01 _ يا ساكن الروح
ڨولي وين نروح
القلب المجروح
:: كثر تنواحو ::
02 _ في حبك مفضوح
بُكيانو مسموح
لا يهدر لا يبوح
:: و دموعو ساحو ::
03 _ يا ناسي ارواح
خليني نرتاح
ترجعلو لفراح
:: يسعد بفراحو ::
04 _ نادي يا براح
لغزال لي راح
غاب علينا ساح
:: الهجران سلاحو ::
05 _ يا غالي ف السوم
علاه عليك اللوم
ذالقلب المضيوم
:: عندك مفتاحو ::
06 _ غاب عليه النوم
في ذاتو مهموم
اسحابة وغيوم
:: غطات صباحو ::
07 _ يا حاسب ليام
شاب من التخمام
زادتلو لسقام
:: غابت فراحو ::
08 _ عايش في احلام
مرڨومة ترڨام
و لو كان منام
:: رايد توضاحو ::
09 _ يا ساكن الذات
في حبك لذات
كبرت وتقوات
:: لقلوب ارتاحو ::
10 _ من غرامك هيهات
كاويني كيات
بانت المرات
:: زادت جراحو ::
11_ يا ساري ف الدم
من فراقك يتألم
لا قول تكلم
:: يرجاك سماحو ::
12_ بالخزرة يفهم
حالو يتسقم
يزول عليه الهم
:: يعرف صلاحو ::
13 _ يا عالم لحوال
حالو حال بحال
صابر ع المحال
:: وين لي راحو ::
14 _ برح يا قوال
على غزالو سوال
سال عليه وسال
:: لصوات بحاحو ::
15 _ يا ساكن الروح
ڨولي وين نروح
القلب المجروح
:: كثر تنواحو ::
16 _ في حبك مفضوح
بُكيانو مسموح
لا يهدر لا يبوح
:: و دموعو ساحو ::
نسر.
ليست هناك تعليقات:
إرسال تعليق