يا لخضرة....بقلم الشاعر الشعبي جمال جلالي

 طلب مني صديق ارتجال كلمات للفريق الوطني فقلت :

مجرد محاولة :

::::: يا الخضرة راني نبغيك :::

01 _ رانا جينا يا قطر ... البالون عندنا يهدر ... بوڨرة ولا عنتر 

:: بلماضي غير ينويك ::

  ... يا الخضرة راني نبغيك ...

02 _ جبنالكم غير الشبان ... و بديناها بالسودان ... واش نقول على لبنان 

:: يا المصري واش لي بيك

 ... يا الخضرة راني نبغيك ...

03 _ المروكي ما تخلعنيش ... لي كيفك ما يخوفنيش ... ماشي الخضرة ڨاع حشيش 

:: بلايلي زهاني فيك ::

... يا الخضرة راني نبغيك ...

04 _ قطري دومي فينال ... وعلى لاربيت راك تسال ... دار معاكم المحال 

:: الجزايري ما يسمع بيك ::

... يا الخضرة راني نبغيك ...

05 _ العشرين فوق التسعين ... قلنا تحيا فلسطين ... يا تونسي رانا جايين 

:: انت خويا وانا ليك ::

... يا الخضرة راني نبغيك ... 

لي اجتهد لا بد ينال ... انا وانت في الفينال ... غنيلي مزال مزال 

:: اذا ربحتني مبروك عليك ::

... يا الخضرة راني نبغيك ...

______________________

#إرتجالية

2021/12/16