... *** اصل المحبة قدر *** ...
أصل المحبة قدر
والقلب للمحبوب
قلوب تموت فى القمر
وناس ما فيها قلوب
قالوا العقول درجات
قلت الغرام حكايات
فيه ناس قلوبها حجر
والعشق شيئ مكتوب
ياللى بلا عنوان
خلى الهوى مراسيل
القلب لو إنسان
يعشق لكل جميل
كلمة قالوها زمان
عمر الأصيل ما يميل
عقول فى شهر العسل
ترقص مع الدبدوب
شهد الغرام حكايات بتفرح العشاق
والدمع فى الأزمات بيغرق الاوراق
قطر السنين لوفات تلقى الندم حراق
اوعى تبيع الهوى ترجع تعيش مغلوب
صبرك على المكتوب
أحلى مافى المشوار
كفنك ملهش جيوب
اوعى الحرام تختار
ربك دا رب قلوب
والرزق فى الأسرار
عيش الحياة للناس
والقلب للمحبوب
بقلمي
البلد .. مصر
ليست هناك تعليقات:
إرسال تعليق