من حقي نبكيك يا عارم لوكار
كنتي نجمة في سمايا ضوايا
من حقي نبكيك ودموعي تنهار
من حقي نبكيك يا ضو سمايا
من حقي نبكي على سابغ لشفار
نار الفرقة شاعلة وسط حشايا
من حقي نبكي ونشكي للقهار
وانشهد من كان فالحب معايا
من حقي نبكي بحرقة عاللي صار
من حقي نبكي الريم الحيحاية
خلوني نبكي عليها يا حضار
مقواني مبلي و ما صبت دوايا
خلوني راهي دموعي مثل النار
عن خدي ديما تهذرب جرايا
صدت عني هاجرت من هذ الدار
ف الجبانة ساكنة غير حذايا
قصة حبي يكتبوا فيها لشعار
و حكايتها واصلة كل ثنايا
مرسم ولفي عاد مضرب للزوار
والورد يحطوه شيعة وشفايا
لو ترجع ليام و تولي لعمار
نفديك بروحي و دمي آنايا
ليست هناك تعليقات:
إرسال تعليق