ما بخالت قمرة كيما شحوح لعباد
ما تمن عليهم بالنور كي تلوحو
طالعه شاو الحال و صانعه الميعاد
كل سر العشاق ف حرمها يبوحو
ليلت ربعطاعش ومسهرة العراد
يحسبو نور الفجر و دج في وضوحو
شاد اطناب القلب الحب دق لوتاد
ما تزحزح منو ماتاه في سروحو
صاط برياح العشق الجارفات لوداد
العاشقين فْنورو بشواقهم ينوحو
كل مولع ولهان رجى اشحال ميعاد
خاف نجمك يخفى ونوارو يروحو
حن ربع ڨعادك ماتميشيش للغاد
يطول نورك علاش تداوي قروحو
القْمر والعشاق الا اجداد واحفاد
والصغار تقدر لكبيرها صروحو
يسامرو بحكيات تفوت ساعت رقاد
تبادلوها لسرار الدارڨة يبوحو
ياك هاذ الدنيا فيها اشحال تنكاد
كل نكد يحرحر و يقرقزو جروحو
......
الطاهر
ليست هناك تعليقات:
إرسال تعليق