ماتبكيش ياعنيا امسحي الدمعة لتنزل
فراقنا كان محتوم والشاهد علينا الرب
زوجوك لغيري مدوك ماصبت مانعمل
كواوني دمعات عينك وخرجوا الشيب
عييت نحاول فبوك ونترجي باه يعدل
رفض كلامي وقالي من قدامي اهرب
قالي بنتي نمدها لولد عمها لازم تقبل
عمري للدم باه ننكر ولا بيه نزيد نلعب
قتلوا ياك مديت الكلمة وغير استعقل
بنتك راني شاريها معزتها راها فالقلب
بعد لي حبيتك من يدي ودوك بالباطل
عدات قاسية خلات الدمعة تهود تصب
فرقت بيني و بين محبوبي وغاب الحل
ياربي ياكريم نيران شاعلة و وين نهرب
شوف لحالي سهلي نمشي ونروح نسهل
بلاك ننسي ذاك المحبوب ويروح التعب
كلمات.
ليست هناك تعليقات:
إرسال تعليق