الكنة وبنات الإحما
........................................
للكنة وبنات الإحما
بدي قلن كلمتين
بالأصل إنتو حبايب
متل الجفن والعينين
القرابة بدها مودة
ورجونا الأعمال الزين
ما بدنا نغضب وننرفز
ونرد الصاع بصاعين
....................
بدنا التعامل بمحبة
ما بدنا نجاكر ونسب
بدنامن القلب لمودة
اللي بتجمعنا بوسط الدرب
بدنا دوم العشرة الطيبة
مو كل وحدة بتعمل حرب
منفذ سنة نبينا
ومن قبلا وصايا الرب
.....................
كل وحدة تقرب شوية
يعني خطوة خطوتين
وتعدلي كل حساباتا
تجامل حتى بكلمتين
ما بدنا ندك ولا نقوص
ولا نحارب على جبهتين
ولا نشعل نار العداوة
لأنا بتحرق لتنين
..................................
الأصفر
ليست هناك تعليقات:
إرسال تعليق