يا من شبهتي للجدل بوقرنين
ريم الصحراء فايتاتو بفتونة
لوجات عل لعين نهدي لك اثنين
عينيا في زوج لسميت نونة
قلبي قسٌمتيه طاح على جيهين
شلڨة تديها وشلڨة مرهونة
ياحصراه عليه عقلي كان رزين
روحي راها في جنانك مدفونة
يا خبالة خاطري قولي لي وين
همزتي نجعي نوجدلك مونة
الناس تبات فالهنا والشيخ ينين
يكتب في لبيات ذيك الملحونة
للعادة لوكان نجبر قي بيتين
نوصفها ونقول ليكم، مجنونة
مجنونة ومبدلة لي القوانين.
سرجي ولجامي يزيدو المتونة
سفساية وداتني في ذو يومين
قلياطة شكيت فبها مسكونة
مشية كولونال زقرة وتقيوين
وانا جندي ڨريطتني ذا النونة
ساعفها ياقلب وبني حيط متين
تسند له وتجي ايامك مصيونة
ريح العشوة صاطني دار كثابين
درڨت بيهم كل هامة مسنونة
من سوى الغزال لجدل بوقرنين
ثابت في وسط العفاوة بمهونة
الخ
ليست هناك تعليقات:
إرسال تعليق