قصيدة.......
متنوي اليوم قي نخمم وغايس
من بسمة قلبي زايد تهواسي
وغيم الحب في قليبي مداكس
حاط في القبلة مريض وراسي
بسمتها في وذني رآها تتهامس
عاقلها زين و مانيشي ناسي
ومحبتها راها في العام الخامس
راهو صبري طال وتدفق كاسي
خيالاتها قدامي بيهم نتوانس
من بسمة قلبي ماكاين وناسي
ذي درة نحفظها وعليها متكايس
تقولي مول الوعد انتايا عساسي
لجات للعدا مع الحساد نداوس
بالسيف المسلول ورمحي معاه فاسي
للعشرة ماننكر و لابد نسايس
وانا في طبعي نتمشى سياسي
في شوق الخودة اعضايا تترافس
نتلف وننسى راسي من ساسي
شبهت للمهرة ومانسميها داحس
سالفها سلك ذهب صنعو مكناسي
عينيها قراطيس سومهم ما يتباخس
كي نخزر فيهم يا شحال نقاسي
حاجبها نعت هلال متعوج متقاوس
شاو البدية جاي نوره متكاسي
كي تمشي نحسبها قبطان ولا رايس
من ضربات الخلخال يجنا وسواسي
حطة عربية قي مرمة وبسايس
ولي نقصدها عشارة فأهلي و ناسي
راني في هواها مشطون ودايس
مربوحة جرتها ماشفتش تنكاسي
واللي في لكنان جبته نا سايس
في بحر الحب زايد تحواسي
نظمت ذو لبيات في الليل الدامس
عشرة ديسمبر حارم فيها نعاسي
جا فيها شعري هادف مترادس
على بسمة قلبي شريكة انفاسي
ليست هناك تعليقات:
إرسال تعليق