رثاء الوالد
ضنيت مابقالي فالدنيا مانقول
مزن الكلام راه خطاني
مشا وقال ليا هجري غادي يطول
ماشت ماهنا ماراني
ليام بالمصايب ماجت عني تجول
شكيت قاصدتني عاني
لفراح يالغافل صدت راها تزول
لحزان جايه عيناني
لكتاف كي تهدو حملي ديما ميول
هذا الوقت باه بلاني
فجعات صادفتني تهري عرقي سيول
وسعي الهم ليه اداني
من كان في كتافي ڨفى قبل الڨفول
ولڨيت واقعي كاكاني
و صبحت في مصيبه حكمو عني عدول
و ذراع ليمنة خلاني
راح الضرا ومسند و طلوعي و النزول
ولي علِ السڨم رباني
لفراش والغطا راحو وعلي عجول
ماشبعت منهم ثاني
تممنيت حال الدنيا بينا ايطول
ونطيح في احجر دفاني
.....
ليست هناك تعليقات:
إرسال تعليق