هاج الخاطر هاجو افكار عقلي في هاذ اليوم
وسبابي باهية الاوصاف
عربية وشريفة كان سلتو؟؟ غالية في السوم
من صيل منجر فالعراف
هي من راها كاسرة عظامي عدت بيها مشوم
من زهري زايد في التلاف
ودك يا الغزالة جايني بين مرانج والخصوم
عدت مزاوط عقلي خفاف
بيا عينك كالبير ذاب فيا الشوف جا مبروم
وتلفت نادم ع الشواف
والحاجب نوني؟. طايح على جهة كسرو الزوم
عدمني واقزر ع الكتاف
يانونة راه الشيخ بين تايه في ودك مغروم؟؟
والا مسجون بلا خلاف
انت سلطانة فالقصور من جا عندك يحضا حموم
معلول بلاسبة نحاف
وانا من طبعي حر كالسبع فالغابة نشتي ندوم
ما يكسرني حتى زعاف
ماني ذلي ما ني كي المعاقب ماناكل ما نصوم
والله منك ما نخاااف
نتقرمص ع المصيود ما نقيسه حتى يغدا يهوم
مانشتيهاش ام الجناف
نشتي ذيك اللي فالعفى تحذرات تناطح فالغيوم
صشت من نسمات الهياف
قولي لي يا نونة وين راكي مجنونك ما يروم
مايتهاوى كي طير ساف
.... الخ.... قصيدة بعنوان... هاجو لفكار.... الجزائر
ليست هناك تعليقات:
إرسال تعليق