بنات اليوم
يا خوتي هذا وقت بني عريان
لا حشمة لا دين لامن يسمع ليك
امعري لبنات كلش عاد يبان
ولى العيب غريب كامل يظهر ليك
راها عادت لبسة فوق الصيقان
ادجين مزير و البودي وليك
صابوها شقور نوعو مريكان
وقت التقدم وبدعة ولات شيك
عولتها مكياج من كل للوان
تميزها منهيه صبغة وترافيك
لا حشما ولات في هاذ الزمان
يا طفلة ذاشي ماهو لماليك
وين كتوب الستين وحروف القرأن
وكلام الشيوخ يشرح ويوريك
هاذ الشي محال ماعنده بيان
واللي ماهي ليك فالدين تعييك
هذي بدعة باينا عملت شيطان
ياطفلة محال ذا اللبس يواتيك
خافي ربي اه يا بنت العربان
راكي غالطة يابنت ربي يهديك
ماخفتي من يوم لحساب و الميزان
حسابك عسير ومولانا يكويك
هذا الوقت صعيب عنا راه اشيان
والزمان يفوت و الصغر يغويك
والزرع لمخير فالسبول يبان
الشعر
ليست هناك تعليقات:
إرسال تعليق