عاديت الحب وكرهت كلامو
القلب الميت شباغي يحييه
ڨلبي مولاه خلالو وشامووو
محفور سماه لاحدن يمحيه
سكنتو قلبي وعليت مقاموو
والقلب فساكنو واش ينسيه
خليلي راح وحروفو داااموو
وتكتبو للحب تفسير معانيه
مالقيت الحب كيما تعلاموو
علمني معناه وتقنت لي فيه
كي راح اليوم كرهت علامو
كرهني في حب تعلمتو بيه
خليلي ما خان ماترك مقامو
ماراحش للغير ماناڨرني بيه
من كثرة وفاه علڨ وساموو
وناڨر الناس كي نهدر عليه
لي دا لخليل يحكم بحكامو
ويتنفذ شاڨال ولي آمر بيه
ماعنديش كلام بعد كلاموو
ما يترد قضاه.مايتسال عليه
لي دا لخليل ندعي يرحموو
ويوسع لقبر لي دفنته فيييه
ويجعل الجنة.عنده مقااموو
يجعلني نلقاه كي يلحقني بيه.
قصيدة لزوجي وحبيبي الغالي رحمه الله واسكنه فسيح جنانه.
ليست هناك تعليقات:
إرسال تعليق