عيني كي سولتها واش تحبي
قالت لي نشتي الزينة في لبنات
من ورثت زين النصارة والعربي
عينيها بارود في قلبي كلفات
عندي نونة درتها لبدا جنبي
بين الكبدة والروايا والضلعات
هي طير حمام عندي متربي
فالمغرب تبغي تروح وين تبات
درت اشعاري كلها نهج لدربي
نتغزل ونقول ليها شي كلمات
باقوافي ملحونها كان معبي
لهجتنا نظمت منها ذو لبيات
قالو لي مجنون بيها متجبي
وهاذ النونة ما تعڨلها عڨبات
ما هي انس نظنها ماهي نسبي
جنية والعين من نونة تسبات
لاكنتي يا خليلتي نو تصبي؟؟
هاتي جالة وارفدي بيها اهات
لا كنتي جفاف بارياح تهبي
زوباعة في موجة الصيف تبنات
هزيني وارمي عظامي واعڨبي
تتهني من قربة الشاعر وفرات.
مبلي بيك وصاطني ريح مدربي
والمبلي محال لا يصبر هيهات
هاك الدنيا علمتني من كربي
من كربي نبني الڨبة للزورات
وندير التابوت ليها في قربي
تحضى جارة مونستني فالممات
يا معزوزة معزتك سلك مذهبي
وخيط حرير ملبسينه للعذرات
... الخ..... قصيدة المعزوزة..... الشاعر الشيخ بوراس.. البيض.. الجزائر
ليست هناك تعليقات:
إرسال تعليق