وينك ياليل👉
مزينك بظلام دامس تتكحل
نجمك يتلالا وڨمرة ضواتك
مالمغرب تجي تمشي تتمهل
تسستر كل عيوب فينا لاڨاتك
وينك يا ذالليل نستناك طل
ونداوي لجراح بسكون ظلامك
ماعنديش رفيڨ نستناه نظل
تلڨاني فرحان في ڨرب اوقاتك
دمعي ميتشاف ميظهرله ظل
يرخص فيه غلاه تشهد نجماتك
ضعفي فيك يبان حالي يتبدل
همومي تتلهف في الباب لقاتك
وينك ياذالليل نحكي ونفصل
تحفظلي سري.ونونس مبااااتك
تمسحلي دمعي ليجرى وهطل
تسمعلي لهموم فيا.......تتعاارك
خلقك الاله.........سكينة تنزل
وتهدي لڨلوب.عتمة سواااادك
هديلي ذالڨلب راهوو متهول
وارفعلي الهموم لله المااااالك
قياامك يا ليل راهوو متفضل
قربني لله في آاااااخر اوقاتك
يتفاجى همي احوالي تتعدل
رقدني هاني في حضن سكاتك
كيتطلع الشمس نبقى مستعجل
ترجعلي مشتاااق نسهر جوارك
ليست هناك تعليقات:
إرسال تعليق