نضريت وذ الضر طال عذابو
والشي للي يوجعني نسمح فيه
باب الذل محال نطرق بابو
ولو الذهب الغالي منو نجنيه
بنات العز يا وخذي سابو
تنهيها منا على شي تجي منهيه
ردمت لفحل وعفست ترابو
عجبها الروجي يزرق ف عينيه
راه الهم يلا زاد نتوما سبابو
حضنتو الباطل بحب بلعتو عليه
معذور الحلالي يلا عقد نابو
زير الخزرة الحواجب و سنيه
القزعة الواعرة عادت جوابو
راجل صنديد ا الكلبة ما تستاهليه
غير شوفي رخاس قدرهم رابو
وزين الخصلة مع همومو خليه
اللي كيفك ردهم ديما بعتابو
الخيل والفارس ما هوللبغلة تديه
كلامي قلتو الفايدة من كتابو
هاكي حرفي مكسور ونتي وزنيه
بقلمي
ليست هناك تعليقات:
إرسال تعليق