حيرني ڨليل راضي بحوالو
تسمعه يقوول.......الحمد لله
تفتشله فالجيب ماتلقى والو
بقليلو قانع في وجهه رضاااه
تشوفه مبكر ويشفك حالووو
يخدم بمصروف يشريله عشاه
ولاده تلقاهم عليه يسالوووو
ومرته فالباب بالضحكة تلقااه
تجمعهم طابلة حضرت بحلالو
وقبل ليبداووو يسموا.... بالله
تشوف فوجهه. ضو منورلووو
التبسيمة دايمة وزاهي تلقااه
.............
وحيرني غني ما تعد موالووو
تلقااه مظلم ما تهدرش معااه
لسولته يقول...ماكاين والووو
وهو في نعيم غي ربه حصاه
ينووض يتكسل كيما يطلعلوو
يتحسر تعبان رڨاااده ما كفاه
طابلته بانواع فيه تقارعلوووو
ماعجبه لعجب..يتنفڨ تلقاااه
حاسب هاذ الرزق راه دايملووو
الدايم مولاه لي رزقه وعطاه
تلقاه يحوس درااهم تدخلووو
ويفوت نهاره يحسب لواطاه
ماعجبهش الحال باغي تبدالو
يجدد المركة..لي قدمت معاه
.............
ياسعد الڨليل...برزق تعطالوو
قانع بالموجود والاله بغااااااه
وحب الاله..قليل لي ينالووو
والقناعة كنز....يغني لامولااه
ماهوش الانسان غاني بموالو
الرضى بالموجود يأكدلك غناه
ليست هناك تعليقات:
إرسال تعليق