محو الامية
نقرا بالتعميم حرف البدايا
الليف مع البا والتا نتعلم
نفهم فلحروف شوقي لقرايا
نكتب في أبي وأبي بلقلم
نجم الصبح يولي يهتف بسمايا
غصن ربيعو ياك لبدى يترمم
وغيم الجهل يفارق ملقايا
نحفظ الستين أمنيتي نختم
نحب التعليم والعلم ردايا
نخرج من الجهل هذاك المظلم
الأمية تروح والشيخ حذايا
يشرحلي لكتاب منو نتعلم
كمل ياذالشيخ عالجهل نكايا
مجرور ومكسور والفتحة ونضم
عرفني كيفاه نبدا لقرايا
نكتب ونهجي ونبدا نفهم
نعرف كيفاه ننطڨ سمايا
نحفظ الستين ترتيل منظم
سهلي ياخالقي في مسعايا
شور التوبة. ثم حالي يسڨم
ويحن الحنان ويزول شقايا
ياربي يا خالقي ليا تمم
ذكر النابي بيه صبحي ومسايا
انا صغري ضاع ونتيا تعلم
بيه ظلام الجهل تباع ورايا
لانعرف تاريخ ولا نتكلم
وبصلات الرصول نختم ملقايا
محمد شفيعنا زين لخاتم
ربحي وراس مالي وهنايا
ليست هناك تعليقات:
إرسال تعليق