الله آ خالقي داوي لجراح
جرح الغدر واش اللي يداويه
أشفي غل اللي دمعو طاح
غير الشوف الضر آش ينسيه
ضر الغدر اليوم ريحو فاح
مصعب ضر باللي ضني فيه
لبسو الباطل والحق تلاح
لعبو بالدين جاهلهم يفتيه
ردو الضحكة في الوجه نواح
هاك طبع العين الميت تبكيه
وش يجيب السبع للي نباح
أصل الصابي مو لي تدريه
وش يجيب الكرفا للي صفاح
عمر الحر الدنيا لا تغويه
واش يجيب الساجد للي شطاح
موحال العاصي للفرض يلبيه
غدارة نعتو الغدر بسم الكفاح
تليهم في الوصف جاهل نسميه
ما قامو لا قرار لواح
ساكنهم شر والغدر مواليه
يجيح الجايح في وصت الجياح
والساجي للڨول فاهم لمعنيه
شين الصيفا لا يواتيه شباح
برنوس الهما ذاك راه بغاشيه
محمد نعيمي
ليست هناك تعليقات:
إرسال تعليق