#من_الارشيف
** لاَ تَغْلَــــــــــــــــــــــطْ **
01 – يَا خُويَا نُوصِيـــــكْ وَتْصَنَتْ نَظْمِي
لا بْغَيّــــــتْ نْفَاجِي مَانِيشِي نَمَامْ
02 – نْعِيدْ عْلِيكْ مْنَـامْ شَّتُــو فِـي حُلْمِي
أَصّلْ اّلدَنْيَـــا نَـوّمْ اّلصَاحِي مَنْهَا قَامْ
03 – وَاّلغَافّـــلْ مَزَالْ غَارَقْ فِّي اّلنَوْمِي
سَوَلْنِــــي نَعْطِيــــــكْ مَضْمُونْ اّلكَلاَمْ
04 – غِـي كُونَــــــكْ نْبِيهْ فَاطَّنْ وّعَزْمِي
وَسْتَفْسَــــرْ لَا تْعُــودْ فِّــي اّلدّنْيَا نَدَامْ
05 – لَا تَغْلَطْ فِّي اّلتَيْــسْ وَدِيرُو عَجْمِي
لَا تَحْسَبْ وَلّدْ اّلدْجَاجَهْ يُخْــرُجْ عَوَامْ
06 – وَلّدْ الَّلفْعَـهْ يَــاكْ فِي أَصْلُــو سَّمِي
وَلّدْ اّلهَامَهْ مَا يْكُونْ لّلعْـﭬَـابْ اّلحَـوَامْ
07 – لاَ تَامَــنْ مَنْ بَـاعْ وَطْعَنْ بَاّلخًدْمِي
وَلَا تَحْسَـبْ رْخِيصْ يَغْلَـى فِي لَسْوَامْ
08 – أَسْتَحْــــذَرْ مَـــنْ وَادْ سَاكّتْ اّلذَمِي
إِذَا كَـــــانْ حْمَـــلْ حَــوَسْ وَيّـنْ تْنَامْ
09 – اّلخَاوِي لَا تَدِيـــــهْ اّلعَامّرْ لَا تَّرْمِي
اّلجِيفَــــــهْ عِيفَــــهْ لَا تَاكُــــلْ حْــرَامْ
10 – لَا تَغْلَـــطْ وَتْـﭬُــــولْ هَذَا مَفْهُومِي
كْـــــــلاَمْ اّلمَعْيَـــابْ مَــا يَبْرِي لَسْقَامْ
11 – لَا تْرَافَـــﭫْ رْذَالْ تَنْـــدَمْ يَـا شَوْمِي
وّلَا تَسْمَــعْ غَتَابْ فِـــي وَذْنَــكْ تَمْتَامْ
12 – اّلجَاهَــلْ مَــا فَازْ مَــا قْرَى لَعْلُومِي
وَلّــــــــدْ لَبْهِيــمْ بْهِيمْ لَـوْ رَكَبْ لْجَامْ
13 – اّلجَايّــحْ مَعْيُــوفْ مَادِيرُو خَصْمِي
مَا تَـــنْـزَلّشْ مْعَـــاهْ لْمُسْتَــوَى لَقْدَامْ
14 – لَا تَامَّـــنْ فِّـي اّلذِيبْ غَدَارْ وّجُرْمِي
وَلّــــدْ اّلكَلْبَـــهْ يَاكْ يْكَـدَدْ غِي لَعْظَامْ
15 – لَا تَغْلَـطْ لَاتْـﭬُـولْ كِي يَابَسْ عَظْمِي
لَا تَحْسَــــــــبْشْ دُومْ ذَ اّلدَنْيَــــا مُقَامْ
16 – رَانِي نَنْذَرْ فِيـــــكْ وَسْمَـــعْ كْلَامِي
أَنَا عَبْـــــدْ ضْعِيـــفْ قَرَاتُـــــــو لَيَامْ
17 – نْسَطَرْلَكْ حْرُوفْ بَاهْ تَعْرَفْ اَسْمِي
اّلجِيـمْ مْــعَ اّلمِيــــمْ الّلِيفْ وْزِيدْ الَّلامْ
18 – جَلَالِــــي مَعْرُوفْ بُويَــا وَعْمَامِي
خَيْمَــــهْ بَاْلقُــــرْآنْ اّلكُـرْمْ مْعَاهْ طْعَامْ
19 – وْنَخْتَـــمْ بَالّصَـــلاَةْ عَ اّلنَبِي الأُمِي
مُحَمَــــــــدْ شَفِيعْنَــــــا صَلُوا يَا كِرَامْ
20 – أَلْفْ صْلَاةْ عْلِيـــهْ تَحْلَى فِـي فُمِي
وَاّلحَمْــــدُ لله عْلَــــى نَعْمَـــةْ الِاسْلاَمْ
نسر
ليست هناك تعليقات:
إرسال تعليق