راب الشوق على اهدابك يا عذرا
خزروني وعرفت فيهم سر كبير
يتلاقوا ويهلكوا جوفي جمرة
ومن عينك وليت. آ. نونة اسير
نتخوض ونوض من نومي نقرا
نكتب في لبيات ونهز البندير
بوهالي ومفلسة نومه سهرة
طال الليل وطايل معاه تشحرير
سالوها قالو لها شاعر صحرة
يا نخلة ميحي بعرجونك للخير
سالوها قالو لها شاعر قمرة
لاح شعاعك نونتي زاد التنوير
سالوها قالو لها شاعر فخرة
نفتاخر ونغوص في وصفك فالبير
سالوها قالو لها شاعر صخرة
من صمية ترجعي طوبة ويحير
واذا كان قليب نونة كالحجرة
يتفتت ويعود كالغبرة ويطير
لكن نونة قالت لي نسوى عشرة
قلت لها تسواي عندي جماهير
نونة شعرك رجع الحاسد نكرة
عاد يسول في سواله نار تشير
كي يقرا لبيات تنبت له عبرة
قولي ليهم واش دخلكم يا عير
نعرف نونة كاللبية في الخزرة
عرادة لدمي مع الفجوج تسير
ليست هناك تعليقات:
إرسال تعليق