راني في وسط بير
راني في وسط بير غامق ومظلم.....طوال عليا الحال
ناديت على القوم لا حد تكلم...ولا مالحومة تسال
ماني عارف للنجا والله عالم...فرج عني الله تعال
ادعيتك يا من ليا متقدم....راح الصبرو الوقت طال
اسمع اندايا واقدم محزم....وارمى ليا شي احبال
اعقد مليح يا احبيبي وتعلم....الدنيا حالها احوال
مرة تعطيك علمها شيخ معلم...وتمد دروس فالمجال
مرات فقيه فالمنابر تتكلم...وتحلل والحرام زال
مرة تعطيك بالظهر يطميك الهم....على الرقبة كي جبال
تتجرع في نهارها كيسان السم...تتقلب والليل طال
لا تسعف لا تطيعها يا بونادم....غدارة كم من الرجال
اقبل فالتوبة قبل ما تندم....قبل ما توصل المجال
يا عاصي لله افطن واتسقم....واحسن زين الفعال
طيع الله حب النبي زين الخاتم ....يصفى عقلك ملخبال
جلول
ليست هناك تعليقات:
إرسال تعليق