(إنسي الظنون ياقلبي)
إنسي الظنون ياقلبي وارحم حالي
وإرحم عيون بتبكي علي حبيبي ليالي
كفايا هجر وعذاب وعتاب ولوم
وعيون محرومه ليالي من النوم
ودموع ع الخدود كل ليله وكل يوم
فلقد زادت الآهات وأنَّ الفؤاد
والأحباب إنكتب عليهم البُعاد
وإبيضت العيون من كَثرة البُكاء
وانكسرت القلوب من كَثرة الجفاء
ومن غير اسباب ولا حتي عتاب
انقطع الود والوصال بين الأحباب
وبعد الحب والعطف والحنيه
هجر وخصام ولوم وقسيه
واتحطمت القلوب وبعدت المسافات
واللي جوانا صبح أغلي الذكريات
لما كل واحد نصيبه رآح لطريق تاني
وعاش من غير امل واحلام وأماني
وفرحة الأماكن والبيوت صبحت مطفيه
والأحضان محرومه ومن الحنان منسيه
والقلوب بردانه وللدفي مستنيه
والحبايب والعاشقين هزمتها الأقدار
وحرمتها حتي من حق الإختيار
وتمر الأيام والسنين لا طعم ولا لون
ويفضل الحب جوانا ساكن ومكنون
وللحبيب اللي كان لآخر العمر مدفون
ولا نمتلك سوي الصبر والإستسلام
للنصيب والأقدار ناسين الأحلام
ونعيش حياري مابين الحب والأوهام
ونختار التضحيات ونعاني من الألآم
خواطر (محفوظه
ليست هناك تعليقات:
إرسال تعليق