يقول ذاك الكبير في غرامها
زارنا العشق بعد اللي كبرنا
جات العذرى متوالي تتمايل
درت انا ليها تايه وتخازرنا
جبدني البهى فيها والخصايل
شافت الشيب بداني افهمنا
فات العمرعلينا باقي لفعايل
سقسيتك يا لقلب تعاشقنا
حتى ما فهمت جيتك سايل
سولتك بالنبض كان تجاوبنا
في ساعة عشيت ليها مايل
لا حد اهدر بالنظرة تمتمنا
من ضري صحيت عدت هايل
قلتلهامن الدنيا رانا شبنا
ذا حرفي شفتيني ليك قايل
قالت راح الحال ياك اهرمنا
غيرالقلب مازال حي شعال
ثم تلاقات لعيون عاد ابتسمنا
قلتلها نبغيك لا قيل لا قال
سكنتني بالحب ذبنا تبادلنا
قالتلي لوكان نخطيك محال
على كبرنا جا لعشق يزاحمنا
عند شيبي انصنعتلي تمثال
احسنو عوني لا تلومو بهدلنا
راه الغرام للي يبدل لحوال
ليست هناك تعليقات:
إرسال تعليق