تاليتك وطيح....شويخ بو راس

 تاليتك وطيح في كماش الذيب

من يحفر حفرة يصوب فالزرداب

الدنيا من شاوها لعبة ولعيب

سكتها حارثة ونادرها طياب

لا تقطن وتقول فالدعوات نخيب

وتأمل في الله هو مستجاب

نوصي خويا قاع ماتربحش العيب

فوتها لوكان تتجرح بالناب

خليها لله تتكافى وتصيب؟؟ 

واللي عندوا ما يريضها كذاب

صفيها تلقى شرابك فيه الطيب

خوضها تلقى المرة والتصعاب

ومول النية دايما رابح وحبيب

مول الحيلة ما يشوفوله لصحاب

واش يرد الشوك للوردة ويجيب

مايتلاقو ما تخالطهم لنساب

جرح العلة ما اداويهش بطبيب

لا طالب يشفيه لا شاطر نشاب

وتاليتك واطيح فالحفرة وتريب

تحفرها بيديك تخدم ليها باب

صفي روحك قبل ما تهجروتغيب 

راها زوج ديار يتلف لك الحساب

مقواني لا كنت فالدنيا الغريب

عايش وحدي بين المروت ولشعاب

والدنيا ذي درتها غير تجاريب

دوخني فيها المارڨ واللعاب

..... الخ