وين الڨمنة والقدر وين النخوة
وين خصايل دارڨة واحنا نيام
بعد اضعفنا ما بقات لنا قوة
متفركتنا مرحولنا فيه الصرصام
كنا قُمر فريك مربوط بعروة
عدنا قي حتحات ذراه التنسام
ظنيته لا وقتنا وقت الحشوة
فركات الدوار بعدان دار خصام
بين الخاوة خالقة ثاني هوة
ويالطيف بدات تنخر في لرحام
وبين الطفلة وامها ناضت بلوة
متسرب خيط العوايل بالتلوام
بخالى والبخل في الحومة دوى
عاد الماضي نذكرو فيه التكرام
والشجاعة تبرمت صدت جوى
عم الخوف على بنادم دار كمام
لا جار مع الجار كلش يتلوى...
والدبزة ولات من صيفة ليام
درڨوا ناس الحق والباطل زوّى
الحلال نخبوه ونجيبوا الحرام
وبنينا سيسانا فوق الرشوة!!
والقافز تلقاه كذاب وشكااام
ارقدنا تحت الصويطة والكوة
هذا هو حالنا ترشق العلام؟؟
هز الراية يا بني واذبح حوة
نصل ليها جنابها واعرض مدام
مسؤولة وتحب لحمك يتشوى
يبرد في مكنونها تشبع بيدام
تقضي لك والذيب منها يتعوى
يرجع ينطس في مراحك لا تخمام
تطلع فالترتيب وهلالك ضوى
كلمة سي قدام لا تبدوا الكلام
شاف كبير على قرانك تتطوى
تتمقرض وتقول ليهم خبرة عام
جف سمانا ماهبط منه نوى
والطبيعة غاضبة غبرة وغتام
ذرية ديڨول حكمت بالقسوة
وطغاو علينا المرخس والحكام
هاهو قلبي عاد داكس وتنوى
عاد الراس التحت وتعلو لڨدام
..... الخ
ليست هناك تعليقات:
إرسال تعليق