نطلب ربي خالقي عال القدرة
يفتح بابو لا يخليني حيران
قال دعوني يا عبادي فالضرا
نحضر ليكم راه بابي للغفران
يااا ربي راها ذنوبي بالكثرة
تتغلث فيها السهوةبالعصيان
ما صلينا صلاتنا وقت البكرة
ما نفلنا ما سعينا للشكران
و مازكينا مالنا زدنا عثرة.
لمدناه وراح عرضة لللشيطان
وصحبناه ابليس عدنا فالسهرة
تتلاقى فيها القرعة والنسوان
البراح من الميا يدي عشرة
والباقي نهدوه في قاع الكيسان
اشطحنا بزاف بالورد الحمرة
واعزفنا مجوننا درناه للحان
مالي تخسر فالرشاوي والمكرة
هاهو راح وماشبع منو جيعان
ما صمنا بعيوننا جات الخزرة
ورجلنا حفحاف يدينا عجلان
والوذنين يقصُو نص الهدرة
ويزيدو فيها الغتبة يا شومان
فركتنا عيطة عوايل فالنشرة
ماخلينا حبيب لحبيبو نيشان
واخوننا من وقتنا زدنا قصرة
خيطنا بالخيط لكحل فالخيطان
تلفنا لمحاج ومحينا جرة!!
وتصحابنا مع المرخس والخيان
ماحجينا بيت ما درنا عمرة
ما فسرنا كلام ربي فالفرقان
تغفر لينا يا الله كانش كسرة
جينا لك هاربين بجاه العدنان
جيناك بجاه النبي اب الزهرة
محمد شفيعنا يوم الحشران
تحفظنا نرجاو منك فالسترة
ومن صفاتك يا الله ثاني رحمان
.... الخ
ليست هناك تعليقات:
إرسال تعليق