#رباعيات_فن_الواو
بشعر العامية المصرية .
--------------؛؛------------
( #أحلام_وردية_وواقع_مرير )
القمر نازل بنوره
ييحيي الناس الكرام
قربوا يلا اسمحوا له
وافتحوا سكة سلام
الليالي الحلوه مرت
عالسهارى بشوق وود
والنجوم دي بنورها خلت
العذارى خدودها ورد
لو بتسأل عن حبيبك
هوا ساكن في المدينه
دمعته امسحها بإيدك
واطرد النبره الحزينه
كل نبضة قلب دقت
خلت الشاب الخجول
دبت فيه الروح وردت
والأمل شرحه يطول
السعاده ف لحظه مرت
وانفتح باب القبول
والصبايا لما ردت
اتسرق منها الفضول
اللي يغدر بينا تاني
ينكوي بنار العذاب
واللى يظهر مش أناني
نرفعه فوق السحاب
ياللي همك فاق حدوده
دوس بقوه عالصعاب
داللي يخلف يوم وعوده
ينكشف يوم الحساب
الشهامه والرجوله
امتى نحس بطعم ليها
دي الميداليه في البطوله
كل مصر أملها فيها
البلد محتاجه فرحه
تمحي آثار الآلام
والضماير لما تصحى
كل شئ بيصير تمام
مصر أم الدنيا فيها
م العباقرة ناس كتير
واللي ناوي يضر بيها
يبقي شاف أسوأ مصير
قوم يا عربي صن بلادك
خلي فيه حبة ضمير
دا الشرف والعز زادك
إوعى تتأخر كتير
الحروب خلت حياتنا
قايده نار زي الجحيم
واللي ماتوا دول خواتنا
شوف سابو لنا كام يتيم
كلنا نقدر نهاجم
عنف موجود من زمان
بالحوار والفكر لازم
ننتصر والنور يبان
يلا بينا نبني مجد
أمه ضاع من زمان
أمه بينها وبينه سد
والأمل دا وقته حان
يلا نبني بأقوى عزم
ونوسع دايرة بنانا
نبتدي وبكل حسم
ما نبصش أبدا ورانا
-------------------
بقلم.
ليست هناك تعليقات:
إرسال تعليق