واش مرخس دمنا عند السفاه
ما يرتاحو غي ليا ولاٖ سايح
هوما يدو القمح و نعيشو بسفاه
فينا عاد الجوع نزهة للسايح
راه تسنكر عزنا واعطى بڨفاه
ونفط ريح جراحنا ولا فايح
ماتو لملايين ماقالوش اعلاه
متعدي قالو فالحق يكاوح
راهم باحو ارواحنا ولي شفناه
دارو للخنوس ديه بمنايح
هذا حال الي ترك دينه ونساه
وتابع هذا الفانيه ولا سايح
واغواه الفاني سعى ليله موراه
ماشاف ل فقير ماشاف ل طايح
تكل المومن كان بكري في مولاه
قايم ڨاع اليل حتي يتصابح
يا عظيم تردنا للعز وجاه
كيما حيدر كان لعدوه يكافح
عدلك يا فاروق في الدنيا شفناه
عثمان وبكار عقبه والناصح
كان زمان وكان تاريخ قريناه
و اصبح هاذ الوقت حالو يتمايح
ضايق بينا حال ذالدنيا رمناه
و الوقت لي جاي فات لي رايح
من ڨطاع رزاقنا قوت طلبناه
وطمعنا فالغيث من حاسي واكح
الكافر فالشاو و المنكر عللاه
وڨبضنا لعڨاب رانا نتراوح
ليست هناك تعليقات:
إرسال تعليق