جمعتنا اليام حزمة عڨدة م ليت الحزام
نوفي بيها خيار كلمة ونواجه الليلت الزحام
وبنينا بصحيح قمة بنيان يواجه لطام
ردينا لرياح نسمة وعواصف دايرة غيام
ونينا فالشاو ردمة وحمينا منزل الخيام
فلحنا عربون نعمة مرواني جاد بالطعام
تاجرنافي سواق تحما وربحنا فايدة دوام
وصنعنا مالحرير همة وتسلحنا على العوام
قناصا للصيد عزمة رمية فالخط للعدام
بقوافي درنا ملمة سوايع وشهورها يام
بخيار الملحون نسمة وصل لحبابنا سلام
من الطيب والشيخ لحُمة للشعراء ذالكلام
ڨول لهم فالجمع نعمة نصنع تاريخ بنضام
ونصفي القلوب تحمة ويبرد من حب الخصام
احنا خاوا وناس حكمة يجمعنا فن ذالمقام
الشيخ بوراس
بوطيبة في راس عرمة... عالي ديما في المقام
شاعر معروف ليه حكمة... سقام الشعر في النظام
عرشه لخضر ليه قمة... لولاد زياد درت جام
يرفد سيفو كان يحمى... يقطع ع النص كان حام
قرطاسو مربوط ثمة.. صواب الخصم والخصام
مرحبنا بالحبيب كلمة... قلنا لك سير يا ايمام
لقوافي زايدة الحشمة... كان نطقت فاج الغمام
يتخبى من كان يدمى... يردم راسو كالنعام
ساميني يا عزيز واسمى... شيخ العلفة والكلام
ليست هناك تعليقات:
إرسال تعليق