لو. مانوني مانولي في حالي
حالي يا لحباب ماراهش يعجب
هاني شفت النار قدات قبالي
الناس تبات هانية وانا نكرب
نتقلب ونوض باهز ونشالي
كي نفطن نرسى لشطي ونقعلب
نبات نهابش في جنابي ونخالي
يا سامعني حالتي ماهي تعجب
ونعود ضري لعمي واخوالي
واجواربني اللي مبعد ومڨرب
قلت لهم بيا مسبغ لنجالي
قرطاس الروبيس فيا متصوب
نشاب القعقاع واجد لعلالي
في الكبدة وعروقها راه تنشب
نوصفها ونقول ذا النون غزالي
متحيحي ومقيد العين ويشرب
متبيح قنطاسها وسط دخالي
متعلي ذوك الركايز و مقطب.
في صحرة بوراس وحداني فالي
متعفي ويجي توالي متودب.
عينيها يا صاحبي شغلو بالي
والمشغول بحالتي قاعد يكتب
درت شعاري فالغزل ماني تالي
مازالت عشاق بعدي تتعذب
واد الحب اللي ادا كل مثالي
ما يسلك منو معلم ومدرب
واشعرها جالة تثقب مشعالي
قمح سواقي فالبحاير متلبلب
حرثوه سلاطين بالسوم الغالي
.وحماوه من كل هامة تتسرسب
......... والعشق سكنوا خيالي
......... تكوي القلب من المضرب
.... الخ.... يتبع
ليست هناك تعليقات:
إرسال تعليق