شعري طال وطالت معاه قوافي
وتخلوض مايا على كحلة لرماش
هي من خلات لي بري سافي
حارم فيه العيش رانا ما طقناش
متكيكح قلبي عليها متهافي
نسكن منها بين لجراف ولحراش
نتلبط شوك الحصايد متحافي
والكنود مع السدر زيد الڨشڨاش
ماحسيتش ضرهم بصري طافي
حسنو عوني يا الخاوة قلبي راش
من ولفي راه القمر دارڨ خافي
متخبي حشمان ما يظهرش علاش؟
لجدل بوقرنين وحده متعافي
متعفي وسط النثايل والخرخاش
تتعاشى هي ووردة الفيافي
وقت السبعة مفتحة دارت نواش
يتقاشع ڨيز الڨعادي هفهافي
متغلث بوعويد فيها بالمشماش
والا نخلة لنعتها درت اوصافي
شمخت. طاح جربدها مايل عشعاش
والا رخلة مروبة العظم وافي
جلالية صوفها يصنع الفراش
والا نحلة بالعسل ضري شافي
تلسعني وتزيد في عقلي لوحاش
والا حجلة طايرة بين اجحافي
من جحفة نونة ترسي للتفتاش
والا شمعة قادية بين اطرافي
بين الكف مع الشاهد والرياش
نكمي عنها قارو سبسي صافي
مدغول ومربوط داير كالرشاش
بين كتافي كي اللبية تتشافي،
مخلبها والناب نحولي طشطاش
هي هي تكالمي وقت زعافي
هي هي تسكت الضر ليا حاش
هي عنواني لشعري و اهدافي
هي كوني بيه تتفركت لعراش
ليست هناك تعليقات:
إرسال تعليق