الحبال الدايبة
××××××××
وأنت لية ماسك بأيدك........ فى حبال الهوى الدايبة
سايب أمورك تتكعبل .......والدنيا عندك بقت صعبة
أبعد عن اللى نساك... ونسى ايامك وعشرتك الحلوة
ده حباله رخرخت بهواك ....وفاضل على الحلو تكة
بيشوف فرحته بأذاك .....وعمرك ما أذيته ولا ثانية
نصيبك ضاع وياه و ما حاسبته على كسرة الكسرة
شبعت مرار وهجر ........بجفاه وبتعانى من العثرة
تكون وحيد من غيره .....أفضلك بكثير على فكرة
تسيبه لنصيبه وللى .....يصيبه وكلام خنقةالحسرة
تأخد وتدى مع غيره.......... يمكن يجيلك منه همسة
يمكن تقابل حنين.... يسقيك من حبه عشق ومودة
ينسيك هم ونكد مكتوب عليك فالخارجة والداخلة
تركب حصان هواك......... وتشم هواء نسيم العطرة
تطير بالفضا فارد جناحين.... وأنت مليان بالفرحة
تلاقى الحب جميل ...حواليك وكأنك دخلت الجنة
اوعاك تمسك ثانى بأديك .......حبال الهوى الدايبة
أديب
ليست هناك تعليقات:
إرسال تعليق