محاولة في الغزل
_________________________________
@@@@@ يا طير @@@@@
_ اتجول يا طير في بري و نزل
لف جناحك لف توصلني ف الحين
_ تاتيني بجواب لا تبطى عجل
اقرا لي لحروف متعلي ذ العين
_ ما نصيد الريم ... ما نعرف نندلل
صيدي صيدتو و حنا صيادين
_ قلبي بلعتــــو ورميــــــت المقفل
بعد سنين طوال راه يحن حنين
_ ما صبتــش كيفــاه باغي نتغزل
غارو منــي ذوك لعبــاد الشينين
_ شافونـي نبغيـــه قالــو راه هبل
بعد ان شاب الراس ارجع للعشرين
_ يا زينت لوصاف ... كل لوصاف جمل
يا شهلت لعيان قولي اهلك وين
_ مهما نوصف فيك حرفي ما يكمل
يا منبت الصيل بنت العرش الزين
_ سر حروفك سر ... ايحير لعقل
و القلب لي مات يصبح من الحيين
_ رحمينـــي بـــالله قلبــــي متعلل
رافد من لمحان بعــد العد سنين
_ جيتي يا طفلة ... وقلتي لقلبي حل
ما لقيتش مفتاح يا مفتاحو وين
_ مفتاحو عينيــــك بالخـــزة ينحل
تتحــل اقفالـو و تسكن فالحين
_ جيتي يا طفلة ... و سلبتي لعقل
واش يدير القلب اذا حكمو لثنين
_ الشفايف وردات عينيك مكاحل
قرصو عليه وطاح طاح على سكين
_ جيتي يا طفلة ... وسحرتيني بالكل
وانيـــا لـــي كنـــت لازم باليمين
_ ما نعشق الزيـــن مـا نصيد حجل
ما نبات نخمم عيوني سهرانين
_ جيتي يا طفلة ... زاد الحمل ثقل
حييتي فيا جراح كانو
منسيين
_ سلبتيني يا ريم جسدي راه تشل
سلمت سلاحي و ذ القلب المسكين
_ ويا خوفي اذا كان قلبي ما يحمل
و البدن لي حاملو ڨرب للخمسين
_ مرفود في لنعاش محمول محمل
و تبقاو على خير يا الناس الزينين
نسر
ليست هناك تعليقات:
إرسال تعليق