*** هى الناس ***
هي الناس بتخاف من ايه
كلمة حق تزعل ليه
تكدب كدبة وتجري وراها
ساعة الجد بتهرب ليه
لا .. وحياة النعمة ياغالي
حبك باقي .. سنين وليالي
مهما تقول .. طيب وانا مالي
قلبي يموت .. والحب ماليه
شوف الصورة مع الشبورة
طبق الفول علق دبورة
الغلبان يضحك فى الصورة
ابن الباشا يزعل ليه
ضايع حقك فى الإنعاش؟!
لسه أوان العدل ماجاش
أبو وشين تفصيل و قماش
يضحك بس الحقد ماليه
دنيا وماشية بالمقلوب
لو هتبات الليل مغلوب
ربك والله رب قلوب
يفني الظالم او يهديه
بقلمي ..
البلد .. مصر
ليست هناك تعليقات:
إرسال تعليق