ياقلبي شد الصراع ولا تعجل
لا تعجل لا تعود متلاجي
اكويتك ياقلب في المفصل
بت من الكيات تتلاجي
و نار المنور حامية تدخل
وقليل الي م الهوى ناجي
يا مجنونة هواك جاي كحل
يستعمر فالذات ويڨاجي
رنديت وبرديت يا لجدل
رافد راية وقلت ديقاجي
تبقى فالتاريخ تتسجل
عبرة للاجيال تتحاجي
شيخ الحومة راه متكنبل
وسط الزنقة يبان هماجي
بابك لشهب زدت ليه قفل
جننتيني وزدت تطجاجي
نشعر بام النون نتغزل
نكتبها ونعود متفاجي
كل قصيدة نحطها تهمل
تبقى مخصوصة لترواجي
يا سعدي بوراس راه هبل
كي ننساها تهوض امواجي
بومرداس تبان عين البل
تايه هوصي وغاب كوراجي
عين التوتة تبان عين امقل
شمسك طاحت شق باراجي
ريح العشوة صاط متقبل
واعد جبل كسال عجاجي
رافد فيه سلام متسلسل
لجدي الغزلان لجلاجي..
قولو ليها حبنا لول؟!
ماهو كي لخرين عفاجي
يطعني كالموس وينصل
ويشرمط لصفاق نجاجي
ليست هناك تعليقات:
إرسال تعليق