يالايم لا تلومش العاشق مهبول
والعاشق في حالتو ديما دايس
يتمشى وحدو مع الصحرا مكبول
عينيه محليين والنظرة غايس
تلغى له وتزيد تلغى له وتڨول
وتعيط بالصوت عالي وتفارس
ما يعطيك ببال يتسكلف مزطول
حتى شكيناه ڨلنا مداااااوس؟؟
هذا حالي كاللي داخل في ڨول
لادفاع يشدني ولا حارس
شي مرات نحس روحي كي ديڨول
جيشي قاوي مدعمينه بسبايس
شي مرات نحس روحي في كابول
ماعندي لا شعب ماعندي رايس
وشي مرات تبان لي راني مكبول
ومسلسل بين المواجع نتراوس
انخس ڨلبي من الروايا جا منصول
ڨلبي يا لحباب يعشق ويسايس
وانا بيا وافيه شمخت في الطول
عينيا في زوج خطوا الكرارس
شبه غزالة في العفا ترتع وتجول
محظية من عين العدو والفارس
ذي نديييبة دخلتني في ليكول
تتفرع منها محاضر ومدارس..
كي تتمشى ولابسة نوار الفول
قايد في الشيشان تاجو يتباڨس
لو نوصفها بالوفا نڨعد معزول
يختلني الكلام نڨعد نتبانس
.... الخ
ليست هناك تعليقات:
إرسال تعليق