كان الظل حنين وشموس وراحات
و كنت انا والليل زهوو و الڨانا
كان البدر تمام ضووا لمراحات
و كنت انا وياه لا حد معانا
سلبوني نظرات منو لححاحات
هزو عرش الروح كانت حشمانا
تسابڨنا والعشق سابڨ فالساحات
و ظل الڨمرة فات عججل ملڨانا
النجمة وطات لينا بالراحات
و فوڨ المرج سرات بينا عجلانا
مجنا والنجمات نعت الدواحات
لينا بين سهيل وثريا سهرانا..
وشوشلي كلمات منو لحلاحات
لخليل و ما عز عني لحنانا...
وسع الفج ضياڨ تڨبت لڨداحات
من يطفيها نار هاجت ولهانا
اسمع يا جنون العشق سراحات
و اذا زاد الكيل مسموح ربانا
و بعد سراج الليل للصبح رباحات
و سراجات الخيل طاحت هلكانا
نص الڨول مرار نططف لجراحات
و الدمع اللي راب عكة مبكانا
و نص الڨول صبر فال النواحات
واش يصبر حال من جهد الهانا
الطير الممرور رببى لجناحات
حللق بات بعيد و اهجر سمانا
..........الحب أرض و الفرقة أراضي......
............العامرية...........
ليست هناك تعليقات:
إرسال تعليق