بشعر العامية المصرية
كتب - د. عبد الرحمن فتحي الحناوي
( بحبك يا وطن )
بحبك يا وطن لما العالِم في بلدي ترجع له مكانته
بحبك يا وطن لما النائب يخدم بعيد عني حصانته
بحبك يا.وطن لما القاضي ضميره يبان في عدالته
بحبك يا وطن لما المدرس يجمع بين إخلاصه ونزاهته
بحبك يا وطن لما الممثل يصون فنه وكرامته
بحبك يا وطن لما اللاعب في البطوله تبان شهامته
بحبك يا وطن لما الصانع يسهر ويعشق َمكنته
بحبك يا وطن لما الزارع يشوف الميه في مكنته
بحبك يا وطن لما التاجر تسمع الدنيا بأمانته
بحبك يا وطن لما الغريب يحكي عن أمنه وسلامته
---------------------------
بحبك يا وطن لما نشوف الأيادي بالخير ممدوده
والناس همومها تبات في خبر كان بلا عوده
بحبك يا وطن لما الفقير حياته تبقي عالموضه
ويقول خلاص الفقر. راح واختفت أيامه السوده
واتغير الحال والدنيا فتحت إيدها للبيضه والسوده
بحبك يا وطن من كل قلبي َواسمك أغنيه وأنشوده
بحبك يا وطن وثقتي فيك رغم المحن موجوده
بحبك وربي يعلم لو مَسَّك الضر فيه ملايين معدوده
بحبك وخايف عليك يا وطن محاسنه لسه موجوده
-----------------------
بقلم. د / عبد الرحمن فتحي الحناوي.
من مصر
الأحد ١١ من ديسمبر ( كانون أول ) سنة ٢٠٢٢.
ليست هناك تعليقات:
إرسال تعليق