عاجـــبني ذا البـر وناســو
وقلبي يالحباب ارتاح فيه
ماحلى ريحو ومحلى جلاسـو
ومالقيت باه انكافيه
خيار الناس بالجود والكرم يتقاسو
والترحاب منهم تلاقيه
مايمـــلو مـــن الضيف وتعفاسو
اطلب منهم اللي تشتيه
تتعشا ولتاي تشـــــرب كاسو
والقهوة المشيحة قلبك ترويه
واذا غلبك النـــــوم وجاك نعاسو
للدفئ ركنك رح تديه
واللي ماحوس لبرور واعرف ناسو
واللي مايعرف الطير الحر يشويه
يجــــهل و يكــــثر تهواسو
واللي غافل بالعقل انوريه
ياك الطير يفزع مــــن تحباسو
وياك الزرع الماء يحييه
كل اظريف عقــــلو في راسو
واذا حدثت اكلامك لا ترميه
ماتعرف منين يجيك تضراسو
اوزن ولسانك بالعسل حليه
تكــسب ود اللي سراشو
والعز ماهو بالمال تشريه
املي بارودك وعدل قرطاسو
راه الوقت جاب مافيه
عينك احرمها من الشيطان وتحراشو
واياك عرض الناس لاترميه
والعاقل يحط عقلو في راسو
واللي ماهو مربي لا تربيه
نائل
سراشو اي الذي يسمعه
مشيحة تعني نضيف للقهوة الشيح
ليست هناك تعليقات:
إرسال تعليق