الحر من طباعو مرفوع السوم
بالصدق والطيوبة تسقاو معارڨو
في حارة الملوك يطاوق ضي النجوم
و امتنة طوارف وصواب مطابڨو
يقى الصيل صافي يتفسخ قي حموم
و الحول لشماتة يتبدل نارڨو
و الكذب في عادة والفتنة و الظلوم
ريشات من قطاية نونات و راشڨو
منڨوش و السنانسن و مشبك و الخزوم
حاشا فحول شلة فرسان ترافڨو
هداد كل ندهة في الضيق يجو لزوم
لعقل و الرزانة بالخير تعانڨو
لاهابش الحراش ولا سڨاع الحسوم
و موالف البكاري و فجوج اطابڨو
دڨ القراح حكمة وثبات يجي بروم
تاج النڨار واتى لفحول اتايڨو
هاذاك فالزعامة يتيس روس قوم
مبتور كل ريشه و خيالو سابڨو
طماع فالسماء يتبرم و يحوم
والخزة بعيدة و جبال يتاوڨو
موحال عرف سدرة مايطاوڨ حزوم
يبقى الشوك شبرڨ فالعسلة عازڨو
قصر الرجال ماهو خردة فالسوم
تاه فالمنامات و ريحو شانڨو
ندى الشعر
ليست هناك تعليقات:
إرسال تعليق