دير مزية
و ارؤف بيا
عاوني نخطيك
داويني لـ كنت حبيبي
راهو مرضي طوّل بيك
غامرت بـْ حبك يتساهل
كنت انضن يجيني ساهل
كي غصت ف بحره نتماهل
صبت العمق اعمق و صعيب
لو ضنيت حياتي تكمل
ما كنت بديته مِ لول
ليك انت راني مشتاق
علمني ننسى لشواق
ما تضحى تخضار وراق
نقطعها قبلن تزراق
من جذرتها قبل الساق
علمها تنشف لشفار
ما يضحى للدمع عبار
اكتل ڨلبي منك جار
فيا ينحر كل نهار
كان انت ثمرت صلاح
غير رقيني من لقراح
نبرى من سحرك نرتاح
راه خيالك مثل المعبد
شيطانك عنه متمرد
سببلي عللى نتضمد
كان انت تڨطع و اتلم
قادر طايڨ عندك علم
راني غارق وسط الهم
ها سلكني من ذاليم
من بعدك مازال انقاسي
تحت الما و اجبدت انفاسي
كنت نهابه وسط الحاسي
واش اداني فيه نهوم
واش اداني ليه انحوص
وانا ما نعرفش انغوص
دارتها بيا ليام
ماني بحري ماعوام
عينيك سبابي سلبوني
في غيبت حالك جبدوني
راني نعرق
دمعي رقرق
مميك ازرق موج ادفّق
وسط اعماقه راني نحرق
كان ڨليبك راحم يشفق
خليني لعيونك نرمق
عمري ماضنيته يعشق
قلبي وسط غرامك طاح
داويني راني نتألم
عاوني منك نتعلم
راه الحب صعيب بليا
كي والفتك درت النية
كون رحيم و حن عليا
هاهي يدِّي ليك اجبدني
سلكني بالحب وعدني
صيي راني عدت غريب
من غيرك ما صبت حبيب
خوذ بيدِّ روعي هدِّ
راني وسط الموت انعافر
جهدي قل و شوقك كافر
آمن بيا لاش اترد
شد صباعك و بدى عد
ڨوللهم مات اموحد
واذكر موتي لا تجحد
و روي عني هاذ الكلمة
شد وحد ومد ورد
شد وحد و مد و رد
شد و حد و مد و رد
ليست هناك تعليقات:
إرسال تعليق