شفت الدمع من العيون جمر يكبب
و دمع الحر عزيز نارو حرراڨا
يمحي دمعة بالكفوف وأخرى تكتب
لفراڨ مع الحزن واعد يتلاڨا....
طبع الڨلب حنين والبلاء يتسبب
و بنادم مهدود ما عندو طاڨا
يبكي مرة وبالصبر مرة يقصب
بالحمد لله وجبة عتتاڨا......
طيف الموت اليوم ڨررب لينا كب
ما خلاش حبيب جنودو سللاڨا
مرسول وفي كل وطية دار عجب
حس النوح ڨريب غربي و شراڨا
ياااربي يا فالڨ الصمي و الحب
يا خالق لجبال في جوفو ناڨا
ياااسلاك نبيك في عتمات الجب
ياااخالق لطيار ريشو صفاڨا
بجاه محمد سيدنا و كتابو طب
وجملة لنبياء ولصحاب رفاڨا
نجينا من دالبلاء ومن جهد الكرب
عبدك جاك ضعيف روحو مشتاڨا
..........يااااجبار أجبر إخواننا في كل مكان........
...........العامرية.........
ليست هناك تعليقات:
إرسال تعليق