من ديوان الحناوي
خطط جهنمية
مين بيلعب في السياسه ومين بيخرب الاقتصاد
مين بيفسد كل خطه تجيب لمصر اكبر إيراد
مين بيشعل نار حروب يغطي بيها عالفساد
مين بيضرب ضرب موت عملتنا داخل البلاد
مين بيحرم كل صوت الحق حتى في الحداد
شعب ماشي ( بالريموت ) وقت الشده باعتياد
شعب واخد عالسكوت عودوه عالإنقياد
ارفع راسك من غير خوف ما يضُرّكش قوم عاد
قاوم ضيع الكسوف خليك قدوه للولاد
وازرع ثقه ف أرض الخوف ما يهمكش م الأوغاد
إنت أقوى م الظروف إنت الشعب اللي أراد
إنت أوضح م الوضوح إنت الحامي للبلاد
إنت صاحب الشموخ والكلمه العليا والحهاد ٠
*****🌹*****🌹*****🌹*****
بقلم د / عبد الرحمن فتحي الحناوي.
من مصر.
الثلاثاء ٣٠ من مايو ( أيار ) سنة ٢٠٢٣
ليست هناك تعليقات:
إرسال تعليق