أعلاش يالدنيا قطعتلي لرحام
يامفرق الحيين في قبر الدنيا
نمدح كار الزين بحلاوت لكلام
بغرامي نتبدل حرباء فيها هيا
غرغر ياعيني وماتنسى ليام
كانو مجمولين معيشة بالنيا
عدينا لحياة رمشة في المنام
وأشبعنا لمحان ما طفيها كيا
نبقى عندي ربي مكتبلي لقسام
ذاك العين الكحلة لا سوال عليا
ربيتو مزوزي جناحو كي لحمام
ودخلتو لعطيل في وسط بريا
علاش يالدنيا تنكر في لحكام
في وسط الرجالة دروك مرايا
جرحتني لهموم مناقر من لسهام
لبست عوقية سمراء كي لملايا
عشقي شاف الزين مطروزة فالشام
حار طبيب الداء ما صاب دوايا
نبكي طول الليل بالدموع الرسام
ونبني في حودي خمسين حكايا
ماني حرف يبوح ما تتعب لأقدام
شاعر فالقافية وما شافت عينيا
هذا الوحش صعيب ما يجبر لحرام
ما يشكل لحروف وما يدير مزيا
ربيتو بالجود وسط الناس كرام
رماني بالغيبية نهار بات حدايا
ربي ياربي يا غالي لمقام
نصفى لغرامي ونعيش هنايا
مرة على مرة يقبلني لحرام
ساعة يجبدني في فم عدايا
مرة يخبطني شايع في لفام
سري فالدنيا كتان أشقايا
مرة نكتبلو كي دنيا تظلام
ومرة في نومي مايكون شهايا
ساعة يخزيني كي ترشى لعظام
ومرة على مرة تبكي لغنايا
ربي ياربي ياغالي لمقام
أنصفلي حقي وكون معيا
ليست هناك تعليقات:
إرسال تعليق