صباحي على امة المليار
كلمات
رفعت الجواد
صباحي على امة المليار
صباح حزين
كله وجع وانين
لما تشوف اطفال غزة
تقتل والمساكين
وارض مغتصبة
اسمها فلسطين
يعني لازم اذكر
امة المليار
يمكن نسيت اسمها
او معنى مسلمين
ولا مات القلب وراح
دمع العين
فين العزة والكرامة ولا
صرنا مستضعفبن
كلامي واضح
يا امة المليار
مش محتاج نفكر
اونحتار
فيه ناس صدقوا كذبة
انهم شعب الله المختار
بس الحقيقة
ربنا ما اختار
شعب يكون جزار
فاهمين ولا
مش فاهمين
اصلهم كانو
فعلا مشردين
وتاهوا في الأرض
من السنين اربعين
ولأصلهم راجعين
وراجع فينا البطل
صلاح الدين َ
ولازم يذوقو من تاني
طعم حطين
لكن ليه احنا ساكتين
نشاهد دماءنا
واعراض نساءنا
ونقول احنا مالنا
ونكتفي بالشجب
ومستنكرين
واساطيل كلابنا
صارت على بابنا
تحاصر ولادنا
لا طالعين ولا داخلين
طب لحد امتى بس
هنفضل ساكتين
يا امة المليار
يا امة المليار
نفسي اموت
شهيد وارتاح
فدا الاقصى والدفاع
عن فلسطين
ولا يدنس أرضها او
يلمس عرضها سفاح
واصبح على امة المليار
أحلى صباح
ويحكي التاربخ
عن ابن المختار
بطولة وقصة كفاح
ونحفظ اقصانا
ومسري نبينا
اللي جمع كل النبيين
ليست هناك تعليقات:
إرسال تعليق