#مختارات_نسر_الصحراء
سموها كما تشاؤون ( خاطرة ... حداثة ... قصيدة ... ) جات هاك
_________________________
عدد وزيد عدد
حبيت نكتب ...
بصح على واش نكتب ؟؟؟...
حالي مقلب و الراس تاعب
و كي نكتب ....
نقول الصح ولا نكذب ...
نلوم ... ناعتب
نبكي ؟؟؟ ... نندب ؟؟؟ ...
نعدد نحسب ؟؟؟
ذا حال لعرب ما عاد يعجب
عدد هاك عدد
الدين تغرب ...
و الشرف تسلب ...
غاب النيف
فيكم يا لكرب
ص...هـ.....ي....و...ني ثعلب ...
عليكم يلعب ...
دمر خرب ...
يكتل يعطب وعدد
و زيد عدد
القدس تخرب ...
وغزة تلهب ...
وحيفا و يافا و الخليل يندب ..
وباقي لعرب ؟؟؟
الخوف ...
عليهم غالب راه هارب ..
عدد و زيد عدد
و من حكمو المنصب ...
ذا يطبع ذاك يكذب ...
و لاخر داير مشوار يطلب
وذاك لخوه ما يطبب و ما تسمع ... غير ندد هاك عدد ...
اميريكي ...
فالخير ينهب ...
غاز .. بترول ..
و ذهب و بيكم يلعب ..
و ف الدين يسب ..
وانتم
النوم طارب ...
و القلب هايب ...
هذا حالكم غطيه و رقد
هاك عدد
و حنا ....
شفنا و ركبنا المركب ...
وما قلنــا غير الله غالب
ذا الواجب ...
واش نخلي واش نكتب ؟؟؟ ...
جرب يا لي بغيت جرب ...
ولا خلي ...
الا بغات تصهد
عدد وزيد عدد
نسر الصحراء 16/11/2023
ليست هناك تعليقات:
إرسال تعليق