بسم الله بديت في شعري حواس
شعري ذا النوبة مغير مسارو
شعري هس الڨلب منه والحواس
وعيوني من درك البكى يحمارو
ماهو شعري عليك يا زينة لخراس
يامن نطقتي القلب بتعباروو
ما نشعر عن صحو ثاني لا تدماس
مانوصف فالتل ونجيب خبارو
ما نشعر لا على كسال ولا سواس
بر الصحرا ما نهدف باشعارو
شعري ذا الخطرة على ذوك الرياس
ملوك وقياد في الوجه اصفارو
راهم ناضو جمعو دارو تجلاس؟؟؟
مجلس للشورى اوتاده يڨصارو
فيها قالو انندوا تسقر، حمااااس
حزب يخرب فيه مبزز يوعارو
اما بن كلبون كي لاحو قرطاس
شجاعة م الواجبة يخلف ثارو
هاني شفت حديثهم ناثل يتقاس
ملوك ورياس للشيتة طااارو
ومراهط للذل مافيهم تراااس،
ماتت نخوة العرب لامن غارو؟!!
يا غزززة هزي العينين من الراس
وحق المومن دايما يطلب جارو
يا غزززة مازال حمزة والعباس
كل طفل من صرختو شعلت نارو
يا غززززة مازال نكتب فالكراس
بسلاحي عبيت محمود بعارو!؟
يا غززززة مازالت النخوة لباس،
ابو عبيييدة!! وقسامو سااارو
وانا بيا جيش العدو قص لباس
حڨارة. تاريخهم بيه صغارو
وكل طفل سموه مهدي يا نقاس،
والغرقد غرسوه زينين ثمارو
يابني ث.هيون.. ياعيفة لجناس
المخير من جيشكم هز عجارو
جيش مكون م النسا دركه عناس
جبانا وميا وستة يشطارو
ليست هناك تعليقات:
إرسال تعليق