دير ذراعك فالخصومة ليك انصيف
ناقص عقله غير جاريه وساعف
و للي ظلمك عالج غروره بالسيف
و ارض قسات عليك لثراها نايف
عمر الجايح لا اديره ليك وصيف
و اذا نصحك كون لهواه امخالف
و اكتل خوفك باليمان نهار الحيف
سابڨهم فالصف للموت امجاحف
اذا مت تموت فالعينين شريف
واذا عشت تعيش موزاع و ناصف
و ارضى بالمكتوب مول الروح لطيف
عند يحق الحق للعمر الڨاصف
من يحيا يحيا على عيشة بالكيف
لا عزة في ضيڨ و الوقت مخالف
غلطة مني من عدايا درت وليف
في ضعفي من عزوتي ليا جالف
لكن حسي خالف هواهم كالطيف
صابوني من طيحو عودي واڨف
نبقى شامخ كي كسال و عندي نيف
ماني كيما بعضهم ربى سالف
بليوني معروف صافي ڨلب نظيف
كرفة و الحشلاف ضدي تتعاطف
عامر ثامر كل دوني ليه انعيف
شارب عقلي كل مغبون انكاتف
ڨلب الناس جليد ڨلبي حامي صيف
وادي يجري بالوفى ندْ الناشف
ماني زاوي لا شريف و لا زرتيف
دمي عربي من صويرة للطايف
أصلي أصلي لَ انكر جاحد بالزيف
طبعي و اخلاقي اتأكد لوصايف
فالمخلية داير انزولي كالضيف
راضي بالمكتوب و الواجب عارف
ما نرضى بركوب دوني ول رديف
ما نتوسط في حقوقي بمعارف
نبغي روحي غي اللول فالتصنيف
نعرف واش يدور باللمح الخاطف
تتمم ان شاء الله
ليست هناك تعليقات:
إرسال تعليق