حرفك شيخي سن نيبان المنجل
بعدن فات حييت منداف قفالو
هوضت المكنون من غمدو متسل
ڨحار المشوار فرسان افْ بالو
ڨولك سبة نططف ڨراح نزل
مبروم سالفي وعضى تندالو
بعد دفنتو ناض يا شيب يبسمل
بعدن قلت نسيبت زاوط بهبالو
طيف منامي عاد للطرف امحيّل
كي نبهز نلقاه مرسم وخيالو
غي عينين سرات والشيطان ارحل
ياشيبي شبّهت مربوط عقالو
صمت الدهر اللا نهاتي وانغزل
حسابي للعيد مفقود هلالو
ڨرح الشيبة ليه نجعي يتوسل
مايطياب ڨعاد لعيون ذبالو
صبري ريش دهام جافي ومطول
ناوب جلدو فاسخ الشيبة مذالو
دونو سددا غيم للبعد وحييل
بر مقيطن شور شطانت حالو
سلت عليه الزاحفة ولي برجل
سلته كل قريش يهتف لوعالو
قبلن جاء مرسول كالطير معججل
حن حنين قريت عزف قوالو
غادي شور احباب فالنعت مڨببل
ها حاجي راه فالقلب خبالو
سال على المنبوت و كساه المنزل
سال عل المنحوت فالقلب قبالو
و مقامو حرفين في الميز مڨددل
مافكو عقار لا ريح هدالو
مثلو مثل الجان فالروح مخولل
ياحصراه عليه صغري نشفالو
شاو الحض توام ڨنطاص ومنزل
عين الحور زايخة رشات توالو
تابت توب عبيد من عصر الجههل
و تسلم لتراب تمشيه نعالو
جسدي كل عضاه في دمو تحمل
سوق العشڨ رهان كراده حلالو
ناري يا ناري بلاني ثلج الفصل
ثوب الكسوة خاطري مايدفالو
صحوي ڨممار وششلفاحي محفل
بحر العز مقام وريح الجنة فالو
شيخي ولد خيام والعرق مأصصل
عرشي بنت شراف منشود فضالو
نطلب رب الكون منا يتقبل
ويغفرلي مافات ساعات ڨبالو
الصلاة على النبي خير الرسل
شفيع الأمة يوم القبر وتهوالو
ندى الشعر
ليست هناك تعليقات:
إرسال تعليق